P-50 9 kg er stærsta duftslökkvitækið í þjónustufríu P-50 línunni frá Britannia Fire í Bretlandi. Það hefur mestu slökkvigetuna í línunni og hentar þar sem eldhætta er meiri eða rými stærri, t.d. í iðnaði, á verkstæðum, í vöruhúsum og á byggingarsvæðum. ABC-duftið slekkur elda í föstum efnum, eldfimum vökvum og gasi. Tækið þarf ekki árlega þjónustu í 10 ár – starfsmaður skoðar það sjálfur einu sinni á ári.
Helstu kostir
- Engin árleg þjónusta í 10 ár – hvorki þjónustusamningur né árleg heimsókn þjónustuaðila. Framleiðandinn gerir aðeins kröfu um einfalda árlega sjónskoðun sem starfsmaður getur gert sjálfur.
- Engin 5 ára losunarprófun – samkvæmt framleiðanda fellur hún niður með P-50.
- Mesta slökkvigetan í P-50 duftlínunni – 55A/233B, ABC-duft fyrir eldflokka A, B og C.
- Þolir frost – vinnuhitastig -20 til +60 °C, hentar í óupphituð rými.
- Ryðfrír kútur – innri kútur úr HDPE-plasti vafinn aramíðtrefjum (Kevlar®).
- Tveir segulmælar – þrýstingur sést á tveimur mælum sem hægt er að bera saman.
Tæknilegar upplýsingar
- Vörunúmer: P50-P9 (gerð P50P9)
- Slökkviefni: 9 kg ABC-duft
- Slökkvigeta: 55A/233B
- Þyngd fullhlaðið: 11,7 kg (tómt 2,7 kg)
- Mál: hæð 640 mm, breidd 210 mm
- Vinnuhitastig: -20 til +60 °C
- Vinnuþrýstingur: 12 bör við 20 °C
- Staðlar/vottun: EN 3, BSI Kitemark og PED
- Ábyrgð: 10 ár frá framleiðanda; líftími 20 ár með einni yfirhalningu eftir 10 ár
- Framleitt í Bretlandi
Árleg sjálfsskoðun – svona virkar „þjónustufrítt“
Í stað árlegrar þjónustu fer starfsmaður yfir tækið einu sinni á ári samkvæmt leiðbeiningum Britannia Fire:
- Athuga að öryggispinni og innsigli séu á sínum stað og að tækið sé óskemmt.
- Athuga að báðir þrýstimælar sýni grænt og prófa þá með seglinum sem fylgir í botni tækisins – nálin á að hreyfast og falla aftur á grænt.
- Staðfesta aldur tækisins með litakóðuðum pinna í botni.
- Skrá skoðunina og kvitta á tækið með varanlegum penna.
Ef mælir sýnir rautt eða innsigli vantar er haft samband við Dalberg. Eftir 10 ár fer tækið í eina yfirhalningu hjá framleiðanda og líftíminn er alls 20 ár. Ábyrgð framleiðanda miðast við að tækið sé sett upp og viðhaldið samkvæmt leiðbeiningum hans og nær ekki til skemmda eða rangrar meðferðar.
Hvar liggur sparnaðurinn? Hefðbundin slökkvitæki eru yfirleitt yfirfarin árlega af þjónustuaðila og þurfa reglulega losunarprófun og endurhleðslu. Með P-50 fellur sá kostnaður niður í 10 ár – eftir stendur árleg skoðun sem tekur starfsmann nokkrar mínútur. Því fleiri tæki sem eru á staðnum, því meira munar.
Hentar fyrir
Iðnað, verkstæði, vöruhús, byggingarsvæði, bílageymslur, sveitarfélög og stærri fyrirtæki – staði þar sem þörf er á mikilli slökkvigetu. Fyrir skrifstofur, heimili og stigaganga er P-50 6 kg léttara og meðfærilegra.
Áfyllingar og fylgihlutir
Skápa og standa fyrir slökkvitæki má finna í flokknum Skápar og standar fyrir slökkvitæki.
Vörublað
Sækja vörublað frá Britannia Fire (PDF)
Lýsing á ensku (Original English)
P50P9 ABC Powder Extinguisher, 9 kg. Fire rating 55A/233B for Class A, B and C fires. Service-free for 10 years: no external service required, just a simple annual inspection carried out in-house. Operating temperature -20 to +60 °C, full weight 11.7 kg. Inner cylinder wound in aramid yarn (Kevlar®), double pressure gauges, lightweight and recyclable. Kitemark, PED and EN3 approved. Made in Britain, 10-year guarantee, 20-year life cycle with one manufacturer overhaul at 10 years.